PATIKARUN Para sa Kalikasan 2017 kampanya laban sa carbon emission

Details

Wednesday, 08 March 2017 - 10:32:17 AM

Bilang kampanya sa kahalagahan ng paglalakad sa halip na paggamit ng sasakyan kung malapit lang ang pupuntahan hindi lamang bilang isang healthy practice kundi makakabawas din sa carbon gas emission ng mga sasakyan, isinagawa ng City Environment and Natural Resources Office(ENRO) at ng Youth for Environment in Schools Organization(YES O) ang PATIKARUN Patikar Para sa Kalikasan 2017 noong March 5.

Ang five-kilometer fun run ay nilahukan ng 1,345 na mga mag-aarala mula sa elementarya at sekundarya at iba pang runners.

Ginawaran ng medalya at sertipiko ang top 10 finishers kung saan nanguna si Mary Joy Motin at pumangalawa si Reynan Vidal na kapwa mula sa Lyceum of the Philippines University Batangas.

Ayon kay City ENRO Officer Oliver Gonzales, ito ay isang istratehiya para mapababa ang emission. “Marami pang programa ang pamahalaang lungsod para sa pangangalaga ng kalikasan kagaya ng Project Search for the Most Innovative, Liveable and Environmental School(SMILES) para mapanatiling luntian at kaibig-ibig ang lungsod, “ sabi ni Gonzales.

Naging resource speaker si Heidi Mendoza na isang researcher ng University of the Philippines, Los Baños para i-promote ang Low Emission Development Strategies (L.E.D.S) at Climate Smart-Lifestyle. (PIO Batangas City)

• < Prev
• Next >