Liana Rose Barrido, Bb. Lungsod ng Batangas 2017

Details

Sunday, 15 January 2017 - 10:57:15 AM

Tinanghal na Bb. Lungsod ng Batangas 2017 si Liana Rose Barrido, 18 taong gulang,at Business Administration student ng Batangas State University.

Ang 5’8” tall na si Barrido ang pinakamatangkad sa mga contestants at nanalo na rin ng iba pang beauty titles kagaya ng pagiging first runner- up sa Ms. Batangas State University 2014, Miss STRASUC 2016 at Miss PASUC third runner-up. Ayon sa kanya, may plano siyang sumali sa mas malaking beauty quest.

“Gagampanan ko ng buong husay sa pamamagitan ng pagiging good role model ang aking papel bilang Bb. Lungsod ng Batangas 2017,” sabi ng pambato ng barangay Kumintang Ibaba. Ang titulong ito ang kanyang definition ng success aniya.

Ayon sa beauty queen na napili rin bilang Best in Swimsuit, bukod sa diet at exercise, naging wide reader din siya upang lumawak ang kaalaman bilang paghahanda sa contest na ito. Isa aniya sa mga bagay na natutunan niya sa pagsali rito ay ang halaga ng pagiging madasalin upang makamtan mo ang iyong inaasam. Nanalong 1st runner up si Vanessa Mae Castillo ng barangay Alangilan, 2nd runner up si Ryenne Sylvienne Kalalo ng barangay Pallocan West, at 3rd runner si Jewel Mae Bawal na sya ring nakakuha ng Best in Batanguena Costume award habang 4th runner up ang kinatawan ng barangay Bilogo na si Cheszelle De Los Reyes.

Tumanggap ng plake at cash prize ang talent scout ni Barrido na si Ariane Gamboa bilang best talent scout. Nagkamit ng Smart Texter’s Choice Award si Arleen Gutierrez ng barangay San Jose Sico. Samantala, naging guest performers sa Pageant Night ang ABS-CBN artists na sina Janella Salvador at Elmo Magalona, ang isa sa mga nagpapakilig at hinahangaang love teams ngayon, Boyband PH na newest sensation at KZ Tandingan, ang X Factor grand prize winner at tunay na nakaaaliw bilang isang magaling na singer.

Itinampok din dito ang mga local talents ng lungsod kagaya ng grupong Indak Bambino ng Casa Del Bambino Emmanuel Montessori, Danztek at BSU Dance Company.

Nagpakitang gilas naman ang The Voice Kids qualifier mula sa Jose Pastor Memorial Elementary School na si Alfred Baja at The Voice Kids finalist mula sa Royal Orchid Academy of the Philippines na si Luke Alford.

Ipinalabas din sa naturang okasyon ang audio visual presentation hinggil sa mga karangalang natamo ng lungsod. Ito ay may titulong “Wagi ang Batangas City”. ( PIO Batangas City)

• < Prev
• Next >