Cheszelle Delos Reyes, Ms Talent sa Bb Lungsod ng Batangas Pre-pageant contest

Details

Saturday, 14 January 2017 - 10:47:07 AM

Isang 20 year old Senior Tourism student ang tinanghal na Ms. Talent sa Talent Competition ng Bb. Lungsod ng Batangas 2017 dahilan sa kanyang mahusay na performance ng Philippine folk dances.

Siya ay si Cheszelle M. Delos Reyes ng Barangay Bilogo at estudyante ng Lyceum of the Philippines University - Batangas.

Ayon sa kanya, siya ay "honored" na maibahagi ang kanyang talento sa pagsasayaw. Bagamat siya ay myembro ng Lahing Batangan Dance Troupe ng LPU, ito aniya ang unang pagkakataon na maiperform niya ang naturang bilang.

"Idinededicate ko kay Lord ang aking ginawang performance dahil Siya ang nagbigay ng talent sa akin" sabi ni Delos Reyes.

Makikita sa huling bahagi ng kanyang production number ang dala-dala niyang Sto Nino na siyang naging pinakamagandang bahagi ng sayaw.

Si Delos Reyes din ang nagwaging Ms Photogenic. Nagpakitang gilas din ang ibang kandidata sa ballroom, contemporary, interpretative at modern dances habang ang iba ay kumanta.

Napili namang Ms Friendship si Joan Rapada ng barangay Ilijan at nanalong Ms 2Go Travel si Kezia Margarette Bolanos na nagkamit ng dalawang roundtrip tickets with tourist accommodation sa anumang tourist destination sa bansa kung saan may byahe ang 2Go.

Tinanghal na Bb Lungsod ng Batangas Charity si Arleen Gutierrez ng San Jose Sico dahilan sa siya ang may pinakamaraming tiket na naibenta para sa Talent Show.

Ayon kay Cultural Affairs Committee Vice-Chairman Eduardo Borbon, P 140,000 ang kabuuang halagang nalikom sa naturang kompetisyon na ipagkakaloob sa Cancer Warriors Foundation na kumakalinga sa mga batang may cancer sa lungsod.

Nagwaging Ms Dzayrable Skin at Bb Makakalikasan si Jewel Mae Bawal ng barangay Sta Rita sa Question and Answer hinggil sa kapaligiran dahilan sa kanyang awareness sa mga environmental programs at projects na isinusulong ng lokal na pamahalaan. (PIO Batangas City)

• < Prev
• Next >