- Home
-
About
- General Information
- City Profile
-
City Government
- Barangays
-
Resolutions and Ordinances
- Resolutions
- Ordinances
- Public Hearing
- Publications
-
Business
- Setting Up a Business
- Online Business Services
- Cost of Doing Business
- Local Ordinances & Issuances
- Metro Batangas Business Club
- Awards and Recognitions
- Socio-Economic Physical & Political Profile
- Brochure/Sectoral Profile/Investment Brief
- Safety Seal Certificate
- Downloadable Forms
- Citizen's Charter
- Citizen's Charter Online Registration/Renewal
- BPLO Citizen's Charter Handbook
-
Tourism
- Local Heritage
- Tourist Information
- Travel Information
- Lenten 2022
- Videos
- CAREERS
- Contact Us
Batangas City tumanggap ng award sa agrikultura
- Details
- Friday, 27 October 2017 - 2:31:00 PM
Tinanghal na Outstanding City Agriculture and Fishery Council (CAFC) sa Region IV-A Calabarzon ang Batangas City CAFC sa isinagawang 2016-2017 Regional Gawad Saka awarding ceremonies noong ika-27 ng Oktubre sa Provincial Auditorium.
Sila ay tumanggap ng plake at cash prize na P 50,000 bilang pagkilala sa kontribusyon ng samahan sa pamumuhay ng kanilang mga kasapi at ng pamayanang kanilang ginagalawan.
Ayon kay Department of Agriculture CALABARZON Regional Information Officer and Regional Gawad Saka focal person Patria Bulanhagui, layunin ng nasabing parangal na kilalanin ang malaking kontribusyon ng mga magsasaka sa pagiging katuwang ng Kagawaran ng Sakahan sa adhikain nitong mapaunlad ang agrikultura hindi lamang sa rehiyon gayundin sa buong bansa.
Ang parangal ay tinanggap ng mga opisyales ng council sa pangunguna ng chairman nito na si Panfilo Cabatay kasama ang kinatawan ni City Veterinarian and Agricultural Services Dr Loyola Bagui na si Agriculture Extension Worker na si Luningning Almeria.
Ayon kay Cabatay, malaking factor ang kanilang magandang ugnayan sa samahan kung kayat sila ang nagwagi. Mas lalo pa aniya nilang pag-iigihin ang pagsusulong ng kanilang hangarin at ang kanilang paglilingkod sa kanilang mga myembro.
Sinabi ni Asst. City Agriculturist Flora Andal na katuwang ng Office of the City Veterinary and Agricultural Services(OCVAS) ang CAFC sa epektibong pagpapatupad ng lahat ng mga programa nito.
Napili namang Outstanding Corn Farmer si Felimon Fermijo ng barangay Sorosoro Ilaya na nagkamit ng plake at P 30,000 na premyo. Sinamahan siya ni Andal sa pagtanggap ng parangal.
Si Fermijo ay 17 taon nang magsasaka at siya din ang tumatayong vice-president ng Batangas City Corn Growers Association sa kasalukuyan.
Ayon kay Andal, malaki ang naging ani ni Fermijo sa pagtatanim ng mais kung saan ito ay umabot ng 12 tonelada bawat ektarya noong 2016. May 2.5 na ektarya ang kanyang sinasakang lupa na mahusay niyang pinamamahalaan.. Malaki din ang social impact ng kanyang pagiging chairman ng Sorosoro Multiple and Allied Services Cooperative kung saan pinapautang ng binhi at abuno ang mga miyembro nito at nababayaran naman lahat ng pautang na ito. Gumagamit din siya ng organic fertilizer upang maging maganda ang kalidad at texture ng lupa.
Hinikayat naman ni Fermijo ang mga kabataan na pasukin ang sektor ng agrikultura at paunlarin ito upang hindi na mag-import pa ng produkto ang bansa.
Taos puso ang pasasalamat ng CAFC at ni Fermijo sa ayudang ipinagkakaloob ng pamahalaang lungsod sa kanila upang mapalago ang agrikultura.
Binati ni Governor Hermilando Mandanas ang Calabarzon sa pangunguna nito sa larangan ng agrikultura sa bansa.
Nagpaabot din ng mensahe si Mayor Beverley Dimacuha sa pamamagitan ni City Admnistrator Atty. Narciso Macarandang. Binigyang diin nito na sa kabila ng pagiging industrialized city ng lungsod, malaking pondo ang nakalaan sa ibat-ibang agricultural programs at services nito. “Ang mga magsasaka ang saligan ng mga mamamayan na nararapat bigyan ng papuri at pagsaludo sa kanilang pagpupunyagi,” ayon sa kanyang mensahe.
Hinikayat naman ni DA CALABARZON Regional Director Engr. Arnel de Mesa na nawa’y “maipasa ng mga magsasaka sa bagong henerasyon ang kanilang kaalaman at butil ng karanasan upang higit na mapaunlad at maging masagana ang sektor ng agrikultura sa bansa.”
Nakiisa din sa nasabing okasyon sina ATI CALABARZON Center Director Marites Cosico, PCA CALABARZON Regional Manager Erlene Manohar, Acting Chairman at si Regional Agriculture and Fisheries Council Pedrito Kalaw.
Emergency Hotlines
Mayor's Action Center : 723-1511
BFP Batangas City : 425-7163
PNP Batangas City : 723-2030
Nazareth Hospital : 723-4144
Batangas Medical Center : 723-0911
CDRRMO : 702-3902
Philippine Red Cross: 723-3027
City Social Welfare Dev’t : 723-2357
City Health Office : 723-8890
LTO Batangas City : 740-9738
LTO Batangas City : 740-9738
Contact Info
Mayor Beverley Rose A. Dimacuha
Batangas City Hall Complex,
P. Burgos Street, Barangay 17,
Batangas City, Batangas
Philippines 4200
Tel: +63 (043) 723-1511
Fax: +63 (043) 723 1558
This email address is being protected from spambots. You need JavaScript enabled to view it.