City DILG Memo sa mga barangay officials: Gamitin ang inyong barangay disaster plan kung may kalamidad

Details

Thursday, 27 April 2017 - 3:24:12 PM

BATANGAS CITY-Matapos ang lindol na yumanig sa Batangas City noong April 4 at 8, isang memorandum ang ipinalabas ng Deparment of Interior and Local Government Office(DILG) City Director na si Victoria Amor San Gabriel sa mga barangay officials kung saan hinikayat niya ang mga ito na gamitin ang kanilang Barangay Disaster Contingency Plan kung mayroong kalamidad upang malaman ang dapat gawin at mapangalagaan ang kaligtasan ng kanilang mga nasasakupan.

Ayon sa nasabing memorandum, kailangang i revisit ng mga barangay officials ang kanilang “Barangay Disaster Contingency Plan kung saan nilalaman nito ang mga evacuation areas, aksyon na dapat isagawa, mga grupo/organisasyon na maaaring makatulong at profile ng mga residente na nangangailangan ng agarang pansin sa panahon ng sakuna.” Dapat ding i update ang planong ito at makipag-ugnayan sa CDRRMO upang ito ay maisagawa.

Upang maging madali ang komunikasyon at pagpapakalat ng impormasyon, sinabihan din ang mga barangay officials na i-upgrade at i-set ang frequency ng radio ng barangay upang maka-connect sa Radio Base ng CDRRMO na siyang tutulong sa mga barangay upang magawa ito. Ayon kay CDRRMO chief Rodrigo de la Roca, bagamat lahat ng barangay ay may radio, 30% lamang ang naka connect sa Radio Base ng CDRRMO kayat ang mga barangay ay ni re require na na ikonekta ang kanilang radio sa CDRRMO upang ma institutionalize ang communication system sa panahon ng kalamidad.

“Pagkatapos ng kalamidad, kailangang kaagarang magbigay ng ulat sa CDRRMO ng sitwasyon ng barangay at isaad dito ang status ng lifelines(kuryente, tubig, komunikasyon), bilang ng inilikas, inisyal na ulat ng napinsala at iba pang impormasyon sa pamamagitan ng text message, tawag sa telepono o radio,” ayon pa rin sa memo.

Sa isang pagpupulong ng mga barangay captains na ipinatawag ni Mayor Beverley Dimacuha pagkatapos ng naganap na lindol, ipinaliwanag din ni CDRRMO chief Rodrigo de la Roca na dapat gamitin ng mga barangay ang kanilang 5% calamity fund kung saan ang 30 % ay para sa relief and rehabilitation habang ang 70% ay para sa prevention, mitigation and preparedness. Kailangan lamang makipag-ugnayan sa city government kung ano ang mga pagkakagastusan ng calamity fund.(PIO Batangas City)

• < Prev
• Next >