Opisyales ng Batangas Press Club

Details

Tuesday, 26 April 2016 - 12:00:00 AM

Views: 4297

Pormal na nanumpa sa tungkulin ang mga bagong halal na opisyales ng Batangas Press Club (BPC) sa harap ni Atty. Mikko Paolo Perez na nagsilbing Inducting Officer noong April 25 sa Max’s Restaurant.

Nahirang na Pangulo ng samahan ang Editor at Publisher ng Pahayagang Balikas na si Joenald Rayos. Nahalal namang Pangalawang Pangulo si Rogelio Fabie ng DWAL-FM, Ronna Endaya Contreras ng PIO Batangas City bilang Secretary, Liza De Los Reyes ng PIO Batangas City bilang Treasurer at Melinda Landicho ng Balikas bilang Auditor. Kabilang naman sa Board of Trustees sina Edwin Zabarte (Provincial PIO), Norberto Maligaya (Dyaryo Balisong), Jojo Ceniza (Dyaryo Veritas), Maroe Genosa (Sunstar People’s Courier), Jerson Sanchez (City PIO) at si Vicky Aclan Florendo (Ex-Officio Member) Editor ng Sunstar People’s Courier.

Ang eleksyon ay ginanap sa General Assembly ng grupo sa Butch’s Restaurant noong April 12.

Kasunod ng oathtaking at induction ceremony ay nanumpa naman kay Rayos ang mga bagong myembro ng grupo.

Bago ang halalan, nag-ulat si Rayos na tumayong Acting President ng BPC sa mga naging proyekto ng grupo sa nakalipas na taon tulad ng mga seminars at training na naglalayong mapaunlad ang kakayanan ng mga myembro.

Bagamat on leave, ipinaabot naman ni Florendo ang kanyang taos pusong pasasalamat sa mga ka grupo at tinagubilinan na ipagpatuloy ang pagiging mga responsableng mga mamamahayag at patuloy na pangalagaan ang dignidad.

Dumalo at nakiisa sa naturang okasyon sina Community Liaison Officer for Downstream Edwin Reyes at External Relations Manager for Manufacturing ng Shell Darlito Guamos ng Pilipinas Shell at Batangas Lion’s Club President Alex Yap na nagsilbing partners ng BPC sa ibat-ibang proyekto nito.

Ayon sa kanilang mensahe, inaasahan nilang mas marami pang taon ang pagsasamahan bilang katuwang ng kanilang tanggapan at samahan ang BPC sa paglilingkod at pagpapaunlad ng pamumuhay ng mga tao sa komunidad.

• < Prev
• Next >