TINGNI: Nakiisa ang City Health Office (CHO) sa paggunita ng World Diabetes Day na may temang “Know Your Risk, Know Your Response”, November 14.

Ibat-ibang gawain ang isinagawa ng nabanggit na tanggapan na naglalayong bigyang diin ang tamang pangangasiwa ng kalusugan ng mga indibidwal na may sakit nito.

Nagkaroon ng Sabay Galaw, Sayaw na pinangunahan ng mga myembro ng Sweet Heart Club at mga kawani ng CHO, libreng blood sugar testing, cholesterol at uric acid testing.

Nagbigay din ng lecture ang ilang miyembro ng Batangas Medical Society (BMS) hinggil sa mga paraan kung paano maiiwasan ang diabetes.
Ayon kay City Health Officer Dr. Rosana Barrion, nagagamot ang diabetes pero hindi ito nawawala. Dapat aniyang makontrol ito upang maiwasan ang mga komplikasyon.

Naging resource speaker si Diabetes Specialist Dr. Eden Caringal kung saan itinuro niya ang tamang management ng naturang sakit.
Binigyan diin din niya ang kahalagahan ng tamang pagkain; excercise kagaya ng 30-minute walk araw-araw; tubig na dapat ay walong baso o higit pa ang inumin bawat araw; stress na dapat iwasan at sleep na dapat umabot sa walong oras isang araw.

Ipinabatid naman ni Internist Dr. Oliver Bautista ang tamang pagmonitor ng blood sugar para malaman kung ano ang epekto ng pagkain kinakain at gamot na iniinom kung may diabetes.

Nagbigay din ng mahahalagang impormasyon hinggil sa sakit kidney dulot ng diabetes si Nephrologists Dr. Emilia Beron.
Upang maiwasan aniya na humantong sa dialysis, dapat maging compliant sa tamang pag inom ng gamot, strict compliance sa diet at exercise at magkaroon ng tamang kaalaman sa paggamot ng diabetes.

Tinalakay naman ni Nutrition Officer Eva Mercado ang wastong nutrisyon at balanced diet upang maiwasan ang obesity.
Katuwang ng CHO sa nasabing paggunita ang Diabetes Philippines Batangas Chapter at Batangas Medical Society. (PIO Batangas City)