P8 milyong school building sa barangay Dao pinasinayaan

Details

Thursday, 22 November 2018 - 4:14:10 PM

BATANGAS CITY- Pinasinayaan ang P8million- 2 storey school building sa Dao Elementary School para sa may 389 Grades 5 at 6 students, November 22, isang proyekto na ipinagawa ng Dep Ed (national level) sa pakikipag-ugnayan ni Congressman Marvey Marino.

Ang blessing at ribbon cutting ceremony ay pinangunahan nina Congressman Marino, Vice Mayor Jun Berberabe, Konsehal Nestor “Boy” Dimacuha, mga barangay at school officials. Ang nasabing proyekto na may apat na malalaking classrooms ay magagamit na sa susunod na pasukan.

Ang isang comfort room dito ay para sa mga estudyanteng may kapansanan.

Ayon kay Cong. Marino, “ako po ay nakikipag usap doon sa mga cabinet secretaries partikular sa DepEd upang humingi ng pondo na ibinibigay naman natin sa mga paaralan na ngangailangan ng karagdagang pasilidad.”

Sinabi ni Rowena Mercado, OIC school principal, na laking pasasalamat nila sa pagkakaroon ng dagdag gusali sa kanilang paaralan. “Timing ang pagkakaroon namin ng bagong gusali dahil ang lumang building namin ay i di demolish na.

Pinuri naman ni Pangulong Victorio Cabatay ang pamahalaang lungsod dahil sa suporta at tulong na ibinigay sa kanilang barangay. Tanging hiling niya na alagaan at ingatan ang bagong gusali ng sa gayon ay mapakinabangan pa ng mga susunod na henerasyon. (PIO Batangas City)

• < Prev
• Next >