Pamilya pinalalakas ang kahandaan sa kalamidad

  1.jpg 2.jpg 3.jpg 4.jpg 5.jpg

BATANGAS CITY- Sumailalim sa Family Disaster Management Seminar ang barangay officials, samahan ng kababihan at ilang residente ng Barangay Gulod Labac sa Mini Park ng barangay, Nov. 21, sa layuning malaman kung ano ang mga paghahandang dapat gawin upang maseguro ang kaligtasan kung may kalamidad.

Ayon kay Pangulong Digna Fajarito, “madaling umaksiyon kung may sapat na kaalaman.” Mahalaga aniya sa katulad nilang mga barangay officials ang magkaroon ng kaalaman sa pagresponde sa kalamidad at pag ligtas ng buhay.

Kabilang sa mga ahensya ng pamahalaan na nagbigay ng pagsasanay ay ang City Health Office kung saan itinuro nila ang health emergency at water and sanitation. Tinalakay ng City Disaster Risk Reduction and Managemnt Office (CDRRMO) ang tungkol sa climate change, mga paghahanda sa bagyo at lindol. Tinalakay naman ng Bureau of Fire ang tungkol sa fire safety habang nagbigay ng kaalaman ang Batangas City Police tungkol sa pre-emptive evacuation. Ang City Social welfare and Development Office ang nagsalita sa camp management o pangangasiwa ng evacuation center habang ang City Engineers Office ang nagbigay ng impormasyon sa electrical safety.

Itinuro din sa kanila kung paano gumawa ng plano kung saan sinasabi rito ang mga lujgar na mapanganib at saan ang ligtas na lugar na dapat puntahan kung may kalamidad.(PIO Batangas City)