Batangas City AIP inaprubahan ng konseho

Details

Wednesday, 26 September 2018 - 4:50:01 PM

Isang resolusyon na nag-aapruba sa proposed P13.4 billion Batangas City Annual Investment Program (AIP) for 2019 ang ipinasa ng Sangguninag Panglungsod noong September 25 sa lingguhang sesyon nito.

Ang resolusyon na inilatag ng Committee of the Whole sa pangunguna ng joint Committe on Laws, Rules and Regulations at Committee on Engineering and Public Works ay may pamagat na “Approving the Batangas City Annual Investment Program (AIP) for FY 2019 Which Includes the Programs, Projects and Activities to be Funded by the General Fund, the 20% Development Fund, the City Disaster Risk Reduction Management Fund, the Gender and Development Fund, the Special Education Fund and other External Sources”.

Ayon sa resolusyon, nakasaad sa AIP ang mga priority programs, projects at activities na nakatuon sa magiging kinabukasan ng lungsod lalo na larangan ng infrastructure, environment, edukasyon, disaster preparedness at iba pa.

Sinabi ni Konsehal Serge Atienza, acting chairman ng Committe on Laws, mahalagang malaman ng bawat isa ang mga plano at pagkakagastusan ng city government sa hinaharap. Ito aniya ay upang maging transparent ang administrasyon at magsilbing guide ang naturang AIP sa direksyong nais tahakin ng lungsod.

“Maliwanag naman po sa ating ginawang committee hearing kahapon, ang nilalaman ng ating AIP. Naka-base naman po ito sa pangangailangan ng lungsod at ng mga mamamayan,” dagdag ni Atienza.

Sa nabanggit na committee hearing, sinabi ni City Planning and Development Coordinator Januario Godoy na ang Annual Investment Plan ay hinati sa tatlong bahagi.

Ang General Public Services na binubuo ng Executive Services, Legislative Services, Planning and Development, Civil Registry, General Services, Budgeting, Accounting, Treasury, Real Property Assessment, Legal Services, Prosecution Services, Project and Programs, Special Purpose Lump Sum Appropriations, Gender and Developmen, Local Disaster Risk Reduction Management Fund, 20% Development Fund at special Education Fund. Ang ikalawang sektor ng AIP ay ang Social Services na binubuo ng Educational Services, Health Services at Social Welfare Services samantalang ang ikatlong bahagi ay ang Economic Services na binubuo ng Veterinary and Agricultural Services, Environment Services, Engineering Services, Market Administration, Infrastructure Development Program at other projects.

“Kung maaalala po ninyo, ang AIP ay napag-usapan na sa Full Council Meeting ng City Development Council last September 5. Dinaluhan po ito ng mga pangulo ng 105 barangays at 50 accredited NGO’s. At ayon po sa Local Government Code, ang city budget ay dapat maaprubahan on or before October 16, 2019. Kaya po ngayon pa lamang ay ipiniprisenta na namin ang AIP hindi lamang sa konseho kundi maging sa publiko,” sabi ni Godoy

Ilan sa pinag-usapan sa hearing ay tungkol sa ecological programs gaya ng animal waste disposal and management sa barangay level na sinagot naman ng CPDO sa pamamagitan ng implementasyon ng Ecological Protection Program sa buong 105 barangays.

Tinalakay din ang tungkol sa konstruksyon ng bagong Civil Registrar’s Office, bagong Sanggunian building, covered courts at tulay sa Barangay Libjo, karagdagang CCTV cameras sa lungsod, at ang SK Federation budget para sa kanilang mga aktibidad at programa.(PIO Batangas City)

• < Prev
• Next >