TINGNI: Nakamit ng Batangas City Civil Registrar’s Office (BCCRO) ang 6th place sa Super Extra Large Category - Outstanding Local Civil Registry Office para sa taong 2022.

Ginawaran din sila ng Circle of Excellence Award bilang isa sa mga Local Civil Registrar Offices (LCRO) na kabilang sa Top 10 Outstanding LCROs sa loob ng limang taon.

Nakuha ng nabanggit na tanggapan ang naturang parangal dahil sa mahusay na pagpapatupad ng mga programa at adhikain ng Philippine Statistics Office (PSA) sa Civil Registration at Vital Statistics.

Ang awarding ceremony ay ginanap noong September 28 sa 2nd Philippine Identity Summit and 3rd National Convention on Civil Registration and Vital Statistics sa SMX Convention Center sa Bacolod City.