Mahigit P800k nalikom sa Alay Lakad 2017

Details

Friday, 08 September 2017 - 4:49:13 PM

BATANGAS CITY-Mahigit sa 3,000 katao na binubuo ng mga government employees, kapulisan, estudyante, barangay officials at ilang mga kinatawan ng business establishments ang lumahok sa Alay Lakad 2017 kung saan nakalikom ng pondong nagkakahalaga ng P838, 581.

Nagtipon ang mga participants sa Laurel Park at naglakad bandang 6:00 ng umaga patungong P. Burgos, Rizal Avenue papuntang Sports Coliseum kung saan ginanap ang programa.

Naging panauhin sa programa si Gov. Hermilando Mandanas kung saan binati niya ang Batangas City dahilan sa nangunguna ito sa pagpapaaral ng mga kabataan. “Binabati ko ang city government dahil sa binibigyang diin nito ang kinabukasan ng mga kabataan sa lungsod,” dagdag pa niya.

Dumalo rin si Congressman Vilma Santos ng 6th District kung saan binigyang diin niya ang halaga ng Alay lakad sa edukasyon ng mga kabataang higit na nangangailangan. “Ang pinakamahalagang investment ay ang edukasyon ng isang tao sapagkat ito ay human capital na magbibigay ng magandang buhay at kinabukasan,” dagdag pa ni Santos.

Sinabi naman ni Congressman Marvey Mariño ng 5th District na ang Alay Lakad ay pagpapatunay ng pagkakaisa ng mga mamamayan sa pagsuporta sa gawaing ito upang makatulong sa maraming out-of-school youth at iba pang kabataang nangangailangan.

Sa kasalukuyan, may 10 senior high school students, pitong persons with disabilities, 21 college students at tatlong full scholars ang beneficiaries ng Alay Lakad Foundation. Tumutulong din ang Alay Lakad sa iba pang youth development projects ng lungsod.

May 10 naggagandahang dilag naman ang lumahok sa Ms Alay Lakad 2017 kung saan nanalo si Angela Maria Acuna ng Batangas National High School at kinatawan ng Department of Education; 1st runner- up si Nieya Margarette Macatangay ng University of Batangas at 2nd runner- up si Janna Arlhiza Tumambing ng Lyceum of the Philippines University.

Dumalo rin sina Vice Governor Nas Ona, Vice Mayor Jun Beberabe, representative ni Cong. Raneo Abu na si Coun. Armando Lazarte at iba pang city councilors. (PIO Batangas City)

• < Prev
• Next >