Batangas City Environmental Code tema ng patimpalak sa sabayang pagbigkas

Details

Friday, 14 July 2017 - 4:35:06 PM

Muling binigyan ng puwang ang environmental awareness sa pagdiriwang ng 48th Foundation Anniversary ng Batangas City sa pamamagitan ng Makakalikasang Sabayang Pagbigkas na isang patimpalak ng City Environment and Natural Resources Office para sa mga public elementary schools.

Ang pyesa ng patimpalak ay E-Code- Luntiang Lungsod ng Batangas, Hiyaw, Hataw!” sa panulat ni Tina Sunguad, isang kawani ng CENRO.

Ayon sa hepe ng City ENRO na si Oliver Gonzales, isang paraan ang ganitong patimpalak upang lumawak ang kaalaman ng mga bata sa kahalagahan ng pangangalaga sa kapaligiran at kalikasan.

Ito ay nilahukan ng 12 grupo ng mga grades 5 at 6 students kung saan naging kampeon ang mga mag-aaral ng Balete Relocation Site Elementary School, pumangalawa ang Bolbok Elem. School at ikatlo naman ang Batangas City East ElementarySchool. Sila ay tumanggap ng cash prize na 10,000, P7,000 at P5,000.

Naging batayan sa pagpili ng mga nagwagi ay ang husay sa mainterpretasyong paggalaw at pagbigkas, kaliwanagan sa pagbigkas, presensya sa entablado, at dating sa manonood. (PIO Batangas City)

• < Prev
• Next >