Sto. Nino sa mata ng mga photographers

Details

Friday, 12 January 2018 - 5:10:02 PM

Iba’t ibang interpretasyon ng Mahal na Poong Sto. Nino habang ito ay binibigyang pugay ng mga deboto sa fluvial procession nito ang ipinakita ng mga photographers sa taunang Photo Contest ng pamahalaang lungsod.

Sa awarding ceremony na naganap sa SM CityBatangas ngayong araw na ito(January 12), sa 109 entries, nanalo ng first place si Mark Anthony Caparas sa tema ng contest na “ Alay sa Sto Ninong Mahal: Ating Tagumpay.”

Ayon kay Rene Robles, world renowned artist, unanimous ang kanilang naging desisyon sa pagpili ng mga nagwagi. May character, composition at feelings aniya ang entry ni Caparas.

Si Robles ang tumayong Chairman of the Board of Judges kasama sina Kapatiran at Ugnayan ng Natatanging Sining at Talentong Pilipino o KUNST President na si Virgilio Cuizon, at ang multi-awarded artist na si Aris Bagtas.

“Everytime na kukuha kayo ng picture, kailangan na may character at philosophy, ani Robles.

Pumangalawa si John Bert Lopez at pangatlo si Gringo Bulanhagui.

Nagbigay din ng consolation prize na P 3,000 kina Alfredo Bomping, Berlin Mando, Nerissa Caparas, Roger Mando at Miguel Caparas.

Lubos ang pasasalamat ni SM City Batangas Assistant Mall Manager Mina Buenaflor sa pamahalaang lungsod ng Batangas dahil sa pagbibigay sa kanila ng pagkakataon na maging venue ng naturang proyekto sa pagshoshowcase ng talento ng mga Batangueno artists.

Nagpaabot din ng pasasalamat ang kinatawan ni Mayor Beverley Dimacuha na si Local Economic and Investment Promotion Officer at Cultural Affairs Committee Member Erick Sanohan sa SM City Batangas bilang katuwang ng pamahalaang lungsod sa pagtataguyod ng naturang proyekto.

Ang photo exhibit at ang display ng mga art works ng mga lumahok sa Children’s Art Competition sa nasabing mall ay tatagal hanggang January 16. (PIO Batangas City)

• < Prev
• Next >