News Archive

Philippine Red Cross

Details

Created on Monday, 27 October 2014 - 10:56:00 PM

Monday, 27 October 2014 - 10:56:00 PM

Ipinasa ng Sangguniang Panglungsod ng Batangas sa kanilang regular na sesyon noong ika-20 ng Oktubre ang ordinansang naglalayong tulungan ang Philippine Red Cross (PRC) Batangas Chapter, sa pagkalap ng pondo upang matugunan ang operasyon ng nasabing ahensiya.

Ang ordinansa ay may pamagat na “An Ordinance Allowing and Requiring All Cinema Owners and Operators within the Territorial Jurisdiction of Batangas City to Append in Their Theatre Tickets, PHP2.00 Covering the Period of May 8 to November 8 Every Year Thereafter as Contribution to Philippine Red Cross Batangas Chapter”.

Ipinasa ng Sangguniang Panglungsod ng Batangas sa kanilang regular na sesyon noong ika-20 ng Oktubre ang ordinansang naglalayong tulungan ang Philippine Red Cross (PRC) Batangas Chapter, sa pagkalap ng pondo upang matugunan ang operasyon ng nasabing ahensiya.

Ang ordinansa ay may pamagat na “An Ordinance Allowing and Requiring All Cinema Owners and Operators within the Territorial Jurisdiction of Batangas City to Append in Their Theatre Tickets, PHP2.00 Covering the Period of May 8 to November 8 Every Year Thereafter as Contribution to Philippine Red Cross Batangas Chapter”.

Ang naturang ordinansa ay iniakda ni Konsehal Glen Aldover.

Ayon sa ordinansa, lahat ng sinehan na nasasakupan at itatayo sa lungsod ng Batangas ay pinapayagan at inoobliga na magdagdag ng halagang dalawang piso (P2.00) sa bawat tiket na kanilang maipagbebenta mula ika-8 ng Mayo hanggang ika-8 ng Nobyembre bawat taon bilang kontribusyon sa PRC Batangas.

Ito ay gagamitin bilang pagsuporta sa mga programa, aktibidad at proyekto ng PRC.

Ilan sa mga ito ay ang Blood Services, Disaster Management, Safety Services, Community Health and Nursing, Social Services, at Volunteer Services.

Ayon pa sa ordinansa, ang pamunuan ng sinehan at pamunuan ng Philippine Red Cross Batangas Chapter ay papasok sa isang kasunduan o isang Memorandum of Agreement (MOA) upang maipatupad ng maayos ang ordinansang ito.

Ang pamunuan ng sinehan ang may responsibilidad sa pagbibigay ng transmittal at turn-over ng lahat ng nakolektang pera at proceeds sa PRC.

Magsusumite naman ang PRC ng annual report sa Sangguniang Panglungsod ng lahat ng nakolektang pondo sa loob ng anim na buwan, kasama na ang lahat ng nagastos at pinaggamitan ng naturang pondo.

Samanatala, ang effectivity ng ordinansa ay agad na ipatutupad sa oras na mailimbag ito sa lahat ng lokal na pahayagan at maaprubahan ito ng punong ehekutibo. (JERSON J. SANCHEZ PIO Batangas City)