New Batangas City Police Chief, Police Supt. Danilo Mendoza

Sa kanyang muling pagbabalik, ganap ng hepe ng Batangas City Police si Police Supt. Danilo Mendoza ng siya ay umupo noong gabi ng January 9, ilang oras bago ipatupad ang ban ng Commission on Elections sa transfer o movement ng mga officers at employees sa civil service tuwing election period.

Si Mendoza ay naging officer-in-charge sa lungsod noong June 15-August 15, 2015 subalit ito ay naudlot ng masuspinde siya ng 40 days dahilan sa kasong murder na isinampa sa kanya ng NBI at CIDG. Ito ay dahilan sa pagkakadawit sa kanya sa pagkakapatay sa dalawang lider ng Ozamis organized group na sangkot sa mga bank robberies, illegal drugs at iba pang krimen. Dahilan sa “lack of sufficient evidence” na dismiss ng San Pedro , Laguna Prosecutor’s Office ang kaso sa kanya pagkatapos ng 16 months. Sunod siyang naging acting police superintendent ng Tanauan City.

Sa pagpapakilala sa kanya matapos ang flag ceremony ng mga kawani ng pamahalaang lungsod noong Lunes, January 11, sinabi ni Mendoza na nais niya na ang kapulisan ay “ maging masipag, disiplinado, may paggalang sa taong bayan na pinaglilingkuran, madaling lapitan at mabilis rumesponde sa krimen.”
Para sa kanya, dapat siyang maging mahigpit at magpakita ng magandang ehemplo upang magtrabaho ng maayos ang mga pulis. “Dapat ding lagi silang naka uniporme sa kanilang duty,” dagdag pa ni Mendoza.

Nais niya na bigyang pansin din ang spiritual renewal ng mga pulis sapagkat ang kanyang tungkulin aniya ay hindi lamang para sa taong bayan kundi sa Panginoon.

Patuloy niyang tututukan ang kriminalidad at illegal drugs na ayon sa kanya ay “manageable” pa naman sa lungsod. Magsasagawa rin ng symposium sa mga barangay officials kung saan sila ay tuturuan kung papaano agad aarestuhin ang mga suspek sa krimen. Palalawakin din ang outreach program kagaya ng feeding project upang mailapit ang kapulisan sa komunidad.

 

008-1.jpg 008-2.jpg
Sa kanyang muling pagbabalik, ganap ng hepe ng Batangas City Police si Police Supt. Danilo Mendoza ng siya ay umupo noong gabi ng January 9, ilang oras bago ipatupad ang ban ng Commission on Elections sa transfer o movement ng mga officers at employees sa civil service tuwing election period.