250 Mangrove Saplings, Itinanim sa Batangas City Bilang Bahagi ng Pangangalaga sa Kalikasan

01.jpg 02.jpg 03.jpg 04.jpg 05.jpg 06.jpg 07.jpg 08.jpg 09.jpg 10.jpg 11.jpg 12.jpg 13.jpg

TINGNI: Kasabay ng pagsasagawa ng Calumpang River Summit ng Pamahalaang Lungsod ng Batangas, nagsagawa ng mangrove tree planting activity ang Philippine Coast Guard Auxiliary–511th Squadron, Batangas City Division, noong Oktubre 29 sa Mangrove Conservation Eco Park sa Barangay Malitam, Batangas City.

May kabuuang 250 punla ng bakawan ang paunang itinanim sa lugar bilang bahagi ng patuloy na pagsusulong ng pangangalaga at rehabilitasyon ng mga bakawan sa lungsod. Nakatakda namang magtanim ng karagdagang 250 punla matapos makumpleto ang pagsasaayos ng lugar.

Katuwang ng Philippine Coast Guard Auxiliary sa proyektong ito ang Free and Accepted Masons of the Philippines – Masonic District Region 4, Batangas. Nakiisa rin sa aktibidad ang Shooting Star Cares Foundation, Miss Eco Queen Organization, Pamahalaang Lungsod ng Batangas, Prime Infra Foundation, First Gen Corporation, Coast Guard District Southern Tagalog, Coast Guard Sub-Station Batangas at barangay council ng Malitam.

Naisakatuparan ang proyekto sa pakikipag-ugnayan sa Office of the City Environment and Natural Resources Office (OCENRO).

Apat na taon nang isinasagawa ng mga nabanggit na grupo ang naturang proyekto bilang tugon sa layunin nina Mayor Marvey Mariño at Congresswoman Beverley Dimacuha na mapalakas ang pagtutulungan upang mapangalagaan ang kapaligiran at mapalawak ang mga lugar na natatamnan ng bakawan sa Batangas City. (PIO Batangas City)