TINGNI: Ipinagdiwang ng Pag-Asa Youth Association of the Philippines (PYAP) sa lungsod ang ika-52 Founding Anniversary nito sa pamamagitan ng ibat-ibang patimpalak, Agosto 1.

Ang PYAP ay isang pambansang samahan na binubuo ng mga out-of-school youth (OSY) at iba pang marginalized na kabataan na may edad 15 hanggang 30 taong gulang.

Layunin nitong hubugin ang kanilang kakayahan, kabuhayan, at kaisipan upang maging responsable at produktibong mamamayan.

Tinanghal na kampeon sa Tiktok Dance Challenge ang Team “Naka Naka” ng Bolbok. Sa Spoken Poetry Competition, nagwagi ng unang pwesto si Arlene Feat Galura habang nagwagi naman ng 1st place sa Poster Making Contest si Elaiza Hernandez ng Banaba East.

Tema ng selebrasyon ay “Sustaining the Flame: Institutionalizing Empowered Leadership, Strengthening Governance, and Advancing Development Pathways for a Future-Ready PYAP”, na nakatuon sa patuloy na pagpapalakas ng kakayahan, pamumuno, at partisipasyon ng kabataan sa komunidad.

Ang naturang gawain ay sa pangunguna ng Office of the City Social Welfare and Development Officer (OCSWDO), katuwang ang Local Youth Development Office (LYDO), Sangguniang Kabataan (SK), at mga youth leaders mula sa iba’t ibang barangay sa lungsod. (PIO Batangas City)