TINGNI: Bilang bahagi ng pagdiriwang ng Buwan ng Nutrisyon ngayong Hulyo, nagsagawa ang Nutrition Division ng City Health Office ng Poster Making Contest (Senior Edition) sa barangay Alangilan at Bukal na may temang "Nutrisyon at Kalikasan, Ating Pangalagaan!"

Layunin ng programa na hikayatin ang pangangalaga sa kalusugan at kalikasan, habang binibigyang pagkakataon ang mga senior citizen na maipamalas ang kanilang talento at pagkamalikhain bilang inspirasyon sa nakababatang henerasyon.

Nagsagawa rin ng Pabasa sa Nutrisyon, Tree Planting, Lakad para sa Kalusugan at Kalikasan at Nutrition Symposium sa iba’t ibang barangay upang higit na mapalawak ang kamalayan ng komunidad sa wastong nutrisyon at pangangalaga sa kalikasan.

Sa pamamagitan ng mga gawaing ito, higit na napalawak ang kamalayan ng komunidad tungkol sa wastong nutrisyon, tamang pagkain, at pangangalaga sa kalikasan bilang pundasyon ng isang malusog at masiglang pamayanan. (PIO Batangas City)