TINGNI: Nakinabang ang 34 na pamilya sa Trash to Bigas Program ng Pamahalaang Lungsod ng Batangas na isinagawa sa Barangay Malibayo noong Hunyo 6.

Sa kabuuan, naipamahagi ang 50 sako at 6.31 kilo ng bigas kapalit ng mga recyclable waste na kanilang dinala at ipinatimbang.

Pinakamaraming recyclable materials na naipon at naipalit si Nelson Gamab, na nakatanggap ng 23 sako at 20.38 kilo ng bigas.

Isa ang Trash to Bigas sa mga programang direktang napakikinabangan ng mga mamamayan dahil agad nilang natatanggap ang kanilang bigas matapos maiproseso ang mga recyclable materials. Bukod sa pagtulong sa mga pamilya, layunin din ng programa na itaguyod ang wastong pamamahala ng basura at pangangalaga sa kalikasan. (PIO Batangas City)