TINGNI: Nasa 110 pamilya mula sa barangay Mabacong ang nakinabang sa isinagawang “Trash to Bigas” program noong May 9 bilang bahagi ng patuloy na kampanya ng lungsod sa pamamagitan ng Office of the City Environment and Natural Resources Officer (OCENRO), para sa wastong pamamahala ng basura.

Kabilang sa mga nakolektang recyclable materials ang 214.75 kilo ng papel, 6,324.66 kilo ng plastic, 625.2 kilo ng salamin, 4,070 piraso ng gin bilog at kwatro bottles, at 1,523.5 kilo ng metal.

Nakalikom din ng mga lumang baterya, kabilang ang tig-isang piraso ng MCB at 2SM batteries, para sa wastong disposal.

Sa pamamagitan ng programa, nabibigyan ng tulong ang mga residente habang hinihikayat ang aktibong pakikilahok sa waste segregation at recycling initiatives ng lokal na pamahalaan.

Si Barangay Chairperson Leon Antido at ang kanyang maybahay ang nakapagtala ng pinakamaraming recyclables na naipalit at umabot sa 10 sako ng bigas.

Sa kabuuan, nasa 52 sako ng bigas ang naipamahagi sa mga benepisyaryo ng programa.

Patuloy namang isinusulong ng lungsod ang mga programang naglalayong mapanatili ang kalinisan ng komunidad habang nagbibigay ng kapaki-pakinabang na suporta sa mga mamamayan sa lungsod. (PIO Batangas City)