TINGNI: Nagtipon-tipon ang mga miyembro ng Batangas City Organic Farmers Association (BCOFA) para sa kanilang ikalawang Annual General Assembly noong Abril 30.

Isa sa mga tampok sa programa ang pagbabahagi ng kaalaman ni Emmanuel “Willie” Salada tungkol sa paggawa ng wood vinegar, isang natural na pesticide, pampataba ng lupa, at pampalago ng halaman.

Ayon sa kanya, nakatutulong ito sa pagpapaganda ng ani at panlaban sa mga peste. Maaari rin umano itong gamitin sa sugat ng mga alagang hayop at maging sa tao.

Inaanyayahan ng BCOFA ang mga interesadong residente ng lungsod na makilahok at matutunan ang organic farming.

Samantala, mayroong Mobile Livelihood Showcasing of Products sa Office of the City Agriculturist mula Lunes hanggang Biyernes kung saan tampok ang mga produkto ng mga organic farmers.

Ayon kay City Agriculturist Flora Alvarez, patuloy ang suporta ng lokal na pamahalaan sa mga magsasaka sa pamamagitan ng kanilang tanggapan, kabilang ang pagtulong sa pagpaparehistro ng nutrition facts ng kanilang mga produkto. (PIO Batangas City)