TINGNI: Pinangunahan ni Mayor Marvey Mariño ang delegasyon ng mga opisyal ng Batangas City sa tatlong araw na training seminar na pinamagatang "The Strategic Leadership for Good Governance: Introductory Course for Newly-Minted Officials" na ginanap noong Hulyo 28–31.

Ang seminar ay inorganisa ng Department of the Interior and Local Government (DILG) Region IV-A sa pakikipagtulungan ng Local Government Academy (LGA), na may layuning palakasin ang kakayahan ng mga bagong halal na opisyal sa epektibong pamumuno at mabuting pamahalaan.

Kabilang sa mga tinalakay sa seminar ang mga mahahalagang aspeto ng lokal na pamamahala tulad ng transparency, accountability, participatory governance, at strategic planning. Isinagawa rin ang mga workshop at talakayan upang bigyang-diin ang mga praktikal na hakbang sa pagpapatupad ng mga polisiya at programa sa kani-kanilang mga nasasakupan.

Ang Batangas City ay isa sa 23 lokal na pamahalaan mula sa CALABARZON na lumahok sa nasabing pagsasanay, na bahagi ng mas malawak na inisyatiba ng DILG upang itaguyod ang mahusay na pamamahala sa mga lokal na pamahalaan. (PIO Batangas City)