TINGNI: Pormal nang ipinagkaloob ng Department of Agriculture CALABARZON sa Batangas City Vegetable Growers Association (BCVGA) ang Packing House facility at hauling vehicle sa turn-over ceremony na ginanap sa barangay Pinamucan Silangan noong June 17.

Ang naturang pasilidad at sasakyan ay nagkakahalaga ng ₱3.4M na mula sa Value Crops Development Program (HVCDP) ng nabanggit na kagawaran.

Nagpasalamat ang Pangulo ng samahan na si Leandro Bobadilla sa agricultural machinery na kaloob sa kanila ng DA na magpapagaan ng mga gawain sa bukid ng kanilang mahigit sa 300 miyembro.

Ang packing house ang magsisilbing bagsakan ng produkto ng mga maggugulay sa lungsod. (PIO Batangas City)