TINGNI: Isang Fire Square Road Show ang itinaguyod ng Bureau of Fire Protection (BFP) Batangas City kamakailan upang mabigyan ng sapat na kaalaman ang mga kabataan sa lungsod hinggil sa mga paraan kung paano maiiligtas ang kanilang mga sarili kung sakaling magkaroon ng sunog.

Tampok sa dalawang araw na road show ang ibat-ibang interactive activity tungkol sa fire safety at iba pang basic life-saving techniques katulad ng cardiopulmonary resuscitation o CPR , bandaging, fire fighting, fire hose, knot tying, rappelling, ropemanship, fire ladder game, collapse structure at mga rescue equipment.

Itinuro din sa humigit kumulang na 100 participants ang wastong paggamit ng iba’tibang uri ng fire extinguisher; pagkilala sa sanhi ng sunog upang mabatid ang angkop na paraan upang ito ay masugpo at maging ang mga alituntuning ipinatutupad ng pamahalaan upang ang komunidad ay maging ligtas sa sunog.

Ayon kay City Fire Marshall FCINSP Joseph Asi, patuloy ang kanilang tanggapan sa sa pagsasagawa ng mga fire drills, pagpapatupad ng fire code at iba pang mga kaugnay na batas gayundin ang pag responde sa mga sakuna maging sa mga emergency, man-made at natural disasters. (PIO Batanags City)