Nanawagan si Mayor Beverley Dimacuha sa publiko para sa ibayong pag-iingat laban sa sunog sa idinaos na 1st quarterly meeting ng City Disaster Risk Reduction Management Council (CDRRMC), February 27.

Ang panawagan ni Mayor ay bunsod ng magkakasunod na insidente ng sunog sa lungsod kung saan isa sa mga ito ay may naitalang nasawi.
Mayroon din aniyang ilang naitalang grass fire sa iba’t ibang barangay.

Kaugnay nito, inatasan niya ang Public Information Office (PIO) na mas palakasan ang information dissemination campaign hinggil sa mga pag-iingat para maiwasan ang sunog at mga kahandaang dapat gawin upang masiguro ang kaligtasan ng pamilya.

Sinabi ni City Fire Marshall, CINSP Joseph Asi na higit nilang paiigtingin ang implementasyon ng OPLAN Ligtas na Pamayanan kung saan sila ay pumupunta sa mga barangay partikular sa mga high risk areas para magbigay ng kaalaman at kasanayan sa mga residente sa pag iwas sa sunog.
Bukod dito ay marami rin aniya silang mga inihandang kaugnay na programa at mga gawain para sa Fire Prevention Month.
May koordinasyon na rin ang BFP sa Prime Water at CDRRMC Prevention and Mitigation Committee para sa pag-iinspeksyon ng mga naka instalang fire hydrants para matiyak na functional ang mga ito.

Gayun din ay nagsasagawa sila ng inspeksyon at pag-aaral para sa mga lugar na maaaring malagyan pa ng fire hydrants para sa mas mabilis na pag responde. (