World AIDS Day 2022, ginunita

Details

Friday, 02 December 2022 - 6:30:00 PM

Ito ay ang “‘A Fair to Remember” kung saan tampok ang ibat-ibang booths sa Health Fair bilang bahagi ng awareness campaign laban sa Human Immunodeficiency Virus infection (HIV) at Acquired Immune Deficiency Syndrome (AIDS).

Ilan sa mga ito ay ang booth na may palaro ala Family Feud, booth para sa poster making contest, SOGIESC balloons at booth para sa libreng HIV screening.
Tema ng World AIDS Day ay “End HIV, Act for Equality para sa Healthy Pilipinas”.

Ayon kay Dr Allen Santos, Program Manager ng HIV-STI Program ng CHO, layunin ng nasabing mga gawain na mapalaganap ang tamang kaalaman hinggil sa HIV at iba pang sexually transmitted diseases (STD) at mabawasan ang patuloy na dumadaming kaso at pagkamatay dahil nito.

Ipinabatid niya na ang Batangas City ang may pinakamataas ng kaso ng HIV sa lalawigan habang ang Batangas Province naman ang ikaapat sa may pinakamaraming kaso sa CALABARZON.

Ang HIV/AIDS ay nakukuha sa unprotected penetrative sex (anal or vaginal sexual contact) blood o blood products (sharing of infected needles and syringes), transfusion of infected blood at mother to child ( childbirth and breastfeeding of infected mother).

Mayroon aniya silang mga isinasagawang interventions at control programs sa HIV/AIDS upang maipabatid kung paano ito maiiwasan at magagamot.
Nakakabahala aniya ang resulta ng kanilang isinagawang Integrated HIV Behavioral and Serological Surveillance (IHBSS) kung saan maraming mga kabataang 15-25 taong gulang ang nag-eengage sa risky behaviour kung saan hindi lamang HIV ang maaaring makuhang sakit gayundin ang syphilis at hepatitis.

Idinagdag pa ni Dra Santos na sumailalim sa pagsasanay ang mga Medical Officers ng mga Rural Health Units (RHU) sa lungsod upang magsagawa ng libreng testing at upang maging mga HIV counsellors.

Nananawagan ang CHO na huwag matakot magpatest o huwag mag-atubuling makipag-ugnayan at pumunta sa mga health centers o sa kanilang tanggapan upang magpasuri at sumailalim sa screening upang matugunan kaagad sakaling magkaroon ng ganitong kaso. (PIO Batangas City)

• < Prev
• Next >