Mga lifeguards ng beach resorts sa lungsod, nagsanay sa basic life support at water rescue

  1.jpg 10.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg

Sumailalim sa Basic Life Support training noong August 15-17 at Basic Water Safety and Rescue Training with Lifeguard Qualification Assessment naman noong August 22-26 ang may 27 lifeguards ng ibat-ibang beach resorts sa lungsod. Ito ay proyekto ng City Tourism Office na naglalayong mabigyan ng sapat na kasanayan ang mga lifeguards upang maisiguro ang kaligtasan ng mga bisita sa mga resort at makapagsalba ng buhay sa oras ng pangangailangan.

Pinuri ni OIC-City Tourism Officer, Erick Sanohan ang mga participants dahil sa kabila ng hirap na naranasan sa training ay ipinakita pa rin ng mga ito ang kagustuhang matuto. “Sa pamamagitan ng life saving skills na inyong natutunan, mas confident na kayo na humarap sa mga sakuna at makasagip ng buhay gayundin maaari na kayong makatulong ng pamahalaang lungsod sa panahon ng kalamidad,” sabi ni Sanohan.

Ipinabatid din niya niya na posibleng dumating ang panahon na maging requirement sa pagkuha ng business permit ng mga resort ang may lisensyadong lifeguard. Katuwang ng Tourism Office sa nasabing proyekto ang City Disaster Risk Reduction and Management Office (CDRRMO), na nakatulong sa pamamahala ng training at ang Philippine Red Cross Batangas Chapter na nagbigay ng pagsasanay.

Isinagawa ang water safety and rescue training sa swimming pool at sa open sea. Tumanggap ng certificate ang mga nagsipagtapos at nakatakdang makuha ang kanilang lisensya sa September 15 na ire-renew kada dalawang taon. Lubos ang pasasalamat ngga participants dumalo dahil nadagdagan ang kanilang kaalaman at kasanayan at sa pagkakataong maging lisensyadong mga lifeguards. (PIO Batangas City)