Batangas City, host ng 3rd TERNOCON ng CCP

Details

Tuesday, 05 July 2022 - 4:29:24 PM

Isang Terno making convention ang isinasagawa sa lungsod ng Batangas mula July 4-10 sa Teacher’s Conference Center. Ito ay proyekto ng Cultural Exchange Department (CED) ng Cultural Center of the Philippines (CCP) katuwang ang Bench/ Suyen Corporation upang maipreserba at maipromote ang paggamit ng terno o balintawak na tawag sa kasuotan ng mga babae na may blusang may maluwang na manggas , may saya na sayad sa lupa ang haba, at kapares na pañuelo o alampay.

Layunin din nito na mabigyan ng inspirasyon ang mga baguhang designers mula sa ibat-ibang lugar sa bansa na makalikha ng mga terno na kasingganda at pulido ng gawa ng mga senior fashion designers. Sasailalim sa mentoring workshop ng mga top professional designers sa bansa ang mga participants.

Bilang host ng ikatlong TernoCon, isang welcome dinner ang isinagawa ng pamahalaang lungsod sa pangunguna ng Vice-Chairman ng Cultural Affairs Committee (CAC) na si Atty. RD Dimacuha. Nagbigay ng pampasiglang bilang ang mga manunubli ng Likhang Sining Dance Co.

Nagpaabot ng taos pusong pasasalamat ang Department Manager ng CED-CCP na si Chinggay Bernardo sa mainit na pagtanggap na ipinagkaloob ng lungsod sa kanila.

May 15 regional designers ang magtutunggali ngayong taon sa kompetisyon kung saan bawat finalist ay kailangang magdisenyo at lumikha ng isang cocktail balintawak terno at isang formal terno. Ito ay gaganapin sa pamamagitan ng Fashion and Cultural Showcase sa CCP sa January 2023. (PIO Batangas City)

• < Prev
• Next >