Eight-point Agenda ni Mayor Dimacuha, inilatag

Details

Thursday, 30 June 2022 - 4:02:00 PM

Inilatag ni Mayor Beverley Dimacuha ang ipatutupad na eight-point agenda sa kanyang ikatlong terminong panunungkulan bilang alkalde ng lungsod. Ito ang nilalaman ng kanyang mensahe sa isinagawang oathtaking ceremony ngayong araw.

Inilahad din niya ang development framework ng kanyang panunungkulan kung saan ang principles at values na nakapaloob sa Eto Batangueno Disiplinado program ang kanyang ginagamit na panuntunan sa paggawa ng mga hakbang pangkaunlaran. Binigyang diin niya na ang kanyang adhikain na maging legacy ng kanyang panunungkulan ay ang pagpapamalas at pagsasabuhay ng kagandahang asal at pagkakaroon ng mga disiplinadong mamamayan.

Mula sa EBD Magkatuwang Tayo platform, gumamit aniya siya ng mga pillar na ikinakawing sa mga agenda sa bawat termino ng kanyang panunungkulan. Pagtitiwala at Pagtatalaga ang pillar ng kanyang unang termino noong taong 2016-2019 kung saan ang mga nakapaloob na agenda ay tumitiyak sa kanyang kakayahan at tiwala na ang mga iniwang proyekto at programa ni dating Punonglungsod Eddie Dimacuha ay kaya nyang ipagpatuloy.Sa panahong ito nakamit ng lungsod ng dalawang beses ang Seal of Good Local Governance (SGLG) mula sa DILG.

Pagtutuwang at Pagbabago naman ang pillar ng kanyang ikalawang termino noong 2019-2022 kung saan pinalakas niya ang mga partnership initiatives para sa higit na kaunlaran ng lungsod. Sa kabila ng mga pagsubok na dumating tulad ng pagharap sa hamon ng pandemya, nakamit ng Batangas City sa panahong ito ang pagiging Top 7 Most Competitive City sa bansa at 2020 Most Loveable City sa buong mundo.

At ngayong 2022 hanggang 2025, pagtutuunan niya ng pansin ang Pagpapalakas at Pagpapatuloy (Enhancement/ Sustainability) ng implementasyon ng mga makabago at angkop na proyekto at programa na pakikinabangan ng mga mamamayan. Kabilang sa kanyang eight-point agenda ay ang:

1. Good Governance People-Centered Participation
• Accelereation of Mayor’s Action Center Services
• Increased CSO Accreditation and Organization of People’s Council

2. Enhance Social Security and Stability
• Provision of Monthly Pension for Qualified Senior Citizens
• EBD PWD Program
• Enhancement of Gender Equality and Moral Values Enrichment
• Expanded EBD Health Program
• Sustainable EBD Scholarship and Youth Development Program

3. Expand Economic Opportunities and Productivity
• Creation of the Office of the City Agriculturist
• Updating/Adoption of the Local Investment and Incentive Code
• Formulation/Adoption of a City Comprehensive Tourism and Cultural Heritage Master Plan

4. Integrated EBD Housing Program Implementation
• Updating/Adoption of the City Local Shelter Plan
• On-site/Off-site Housing Program

5. Infrastructure/ Utilities Development and Acceleration
• Building/Construction of Disaster Resilient Infrastructure/Support Facilities
• Water Accessibility and Sustainability
• Building/Construction of Disaster Resilient Social Infrastructures

6. Enhance Climate Change Adaptation/Mitigation and Disaster Risk Management
• Completion of the Batangas City Command Center Project
• Creation of the Department of City Disaster Risk Reduction and Management Office
• Construction of San Isidro Integrated Evacuation Complex
• Expansion of Solar Energy Project

7. Enhance Environmental Management and Protection
• Development of Tinga Labac EBD Eco-Park
• Development of Wetlands for a Natural Waste Water/Septage Treatment Facility

8. EBD E-Governance City
• Database Management and Interconnectivity
• Enhanced Local Financial Operation and Permitting Process
• Computerized City Registry and Health Teleconsultation Services

Nagpaabot din si Mayor Dimacuha ng taos pusong pasasalamat sa pagbibigay ng pagkakataong muling makapaglingkod gayundin sa igting ng pagkakaisa ng mga mamamayan ng lungsod dahil sa pagkakapanalo ng buong Team EBD sa halalan. Magsisilbi aniyang sandigan, inspirasyon at kanyang lakas ang mga Batangueño. Muli aniya siyang maglilingkod ng mas malakas, mas matatag, mas mahusay at mas magaling sa pagtupad sa kanyang commitment upang makamit ang progressive, inclusive, self-reliant, disciplined Batangas City. (PIO Batangas City)

• < Prev
• Next >