Mayor Beverley Dimacuha, muling nanumpa bilang alkalde ng Batangas City

Details

Thursday, 30 June 2022 - 1:02:00 PM

Views: 5924

Pormal na nanumpa sa kanyang tungkulin bilang alkade ng Batangas City sa ikatlong termino si Mayor Beverley Dimacuha sa oathtaking ceremony na isinagawa sa Batangas City Convention Center, June 30.
Ang kanyang panunumpa sa tungkulin ay isinagawa sa harap ng muling nahalal na kinatawan ng ikalimang distrito ng Batangas na si Congressman Marvey Marino. Kasama ni Mayor Dimacuha ang kanilang mga anak na sina Santino, Joaquin at Victoria.

Nanumpa naman sa kanyang harapan si Vice-Mayor Alyssa Cruz.

Nanumpa din ang mga bagong halal na mga myembro ng Sangguniang Panglungsod na sina Konsehal Hamilton Blanco, Karlos Buted, Andrea Macaraig, Nestor Dimacuha, Oliver Macatangay, Nelson Chavez, Dr Jonash Tolentino, Zester Hernandez, Ched Atienza, Junjun Gamboa at Michael Villena.

Bago ang naturang seremonya, isang thanksgiving mass ang isinagawa sa pangunguna ng Parish Priest ng Immaculada Conception na si Fr. Angel Pastor. Tampok din sa nabanggit na okasyon ang pagsusulit ng dokumento ng Local Governance Transition Team na ginampanan nina City Administrator Atty Narciso Macarandang at City Accountant Sherryl Bool. (PIO Batangas City) 

Dumalo sa nasabing pagtitipon ang mga kinatawan ng iba’t ibang ahensya, tanggapan ng pamahalaang lungsod at sektor ng komunidad. (PIO Batangas City)

• < Prev
• Next >