Centenarians sa Batangas City, tumanggap ng cash incentive

Details

Tuesday, 07 June 2022 - 4:37:27 PM

Limang senior citizens mula sa ibat-ibang barangay sa lungsod ang nakatanggap ng halagang P 100,000.00 bawat isa bilang cash incentive mula sa Department of Social Welfare and Development (DSWD) noong ika-3 ng Hunyo.

Ang mga ito ay ang 100 taong gulang na sina Regina Javier ng barangay Ilijan at Agripina Amul ng Banaba South gayundin ang mga 101 taong gulang na sina Epitacia Pintinio mula sa San Isidro at ang namayapang sina Antonia Montalbo ng barangay Calicanto at Selvino Aclan ng San Pedro.

Ang nasabing one-time cash incentive ay bilang pagkilala at pagpupugay sa mga inidibidwal na nakaabot ng 100 taong gulang at higit pa na itinatadhana ng Republic Act 10868 o ng CENTENARIAN ACT of 2016. Ang naturang halaga ay iniabot ng mga tauhan ng DSWD Region 4-A kasama ang mga kawani ng City Social & Welfare Development Office (CSWDO).

Nagbigay din ang pamahalaang lungsod ng P 20,000 sa mga naturang senior citizens at sa mga patuloy na nagdiriwang ng kanilang kaarawan na edad 100 at higit pa. Lubos ang kasiyahan at pasasalamat ng pamilya ng mga centenarians sa ipinagkaloob na cash incentive. (PIO Batangas City)

• < Prev
• Next >