AIDS candlelight memorial, isinagawa

Details

Thursday, 19 May 2022 - 11:03:00 AM

Nagsagawa ng AIDS candlelight memorial ang City Health Office (CHO) sa training room ng Office of the City Veterinary & Agricultural Services (OCVAS) bilang bahagi ng awareness campaign nito laban sa Human Immunodeficiency Virus infection (HIV) at Acquired Immune Deficiency Syndrome (AIDS) noong May 18.

Layunin ng “One Big Fight for Health and Rights of People Living with HIV” na maipalaganap ang tamang kaalaman hinggil sa HIV at iba pang sexually transmitted diseases (STD) at mabawasan ang patuloy na dumadaming kaso at pagkamatay dahil nito.

Ang HIV/AIDS ay nakukuha sa pakikipagtalik o sexual contact, blood o blood products, needle prick at mula sa gatas ng ina.

Bago ang pag-iilaw ng kandila, isang banal na misa ang isinagawa bilang pananalangin at pag-alala sa mga yumao dahil sa naturang sakit.
Tampok sa nabanggit na okasyon ang oath taking ceremony at pledge of commitment ng mga miyembro ng Local AIDS Council (LAC) sa lungsod na pinangunahan ni Mayor Beverley Dimacuha.

Ang LAC ang siyang mamahala sa mga interventions at control programs sa HIV/AIDS upang mapalawig ang kamalayan ng mga mamamayan kung paano maiiwasan at magagamot ang AIDS.

Nananawagan ang CHO na huwag mag-atubuling makipag-ugnayan sa pumunta sa mga health centers o sa kanilang tanggapan upang magpasuri at sumailalim sa screening upang matugunan kaagad sakaling magkaroon ng ganitong kaso.
Nagpaaala rin sila na ang naturang kampanya ay hindi lamang para sa mga miyembro ng LGBT community kundi sa lahat ng mga nakikipagtalik. (PIO Batangas City)

• < Prev
• Next >