Phil. Navy Reservists sa Batangas, sumailalim sa DEART orientation

Details

Sunday, 21 November 2021 - 4:27:00 PM

May 42 miyembro ng Philippine Navy-321st  Naval Squadron  Reserve  sa lalawigan ang nagtapos sa orientation on Disaster Emergency  Assistance and Rescue Team (DEART) na itinaguyod ng  City Disaster Risk Reduction and Management Council (CDRRMC) mula October 21 hanggang November 19.

Ang mga participants na mula sa iba't ibang bayan sa Batangas ay hinati sa dalawang batch  at sumailalim sa  orientation on Emergency Operations Center Management, Family Disaster Management, Importance of First Aid and Basic Life Support Hands-Only-CPR orientation at iba pa.

Isinagawa ang  closing ceremony sa Tanauan City na dinaluhan  nina CDR Donald Ronquillo, PN  (GSC) Commander, Naval Reserve Center, Southern Luzon; CDR Rosie Rey Musil, PN (GSC) Commander,  Naval Reserve Center Southern Luzon; Tanauan City Legal Officer, Atty. Jason Hernandez at City Mayor Chief of Staff Casiano Saniano. (PIO Batangas City)

• < Prev
• Next >