Iba’t-ibang infrastructure projects sa lungsod, naipatupad sa panahon ng pandemya

Details

Tuesday, 19 October 2021 - 4:41:14 PM

May 59 infrastructure projects ang naipagawa ng pamahalaang lungsod sa taong 2020 hanggang September 2021 sa kabila ng COVID-19 pandemic dahil sa pagtutuwang ng tanggapan ni Mayor Beverley Dimacuha at Congressman Marvey Mariño.

Ayon sa report ng City Engineers Office (CEO), kabilang sa mga natapos ng proyekto ay ang konstruksyon ng mga drainage system with concreting sa mga barangay Sta.Rita Karsada, Tabangao Ambulong, Soro-soro Ilaya, Poblacion 1, Malitam at Mahacot Silangan.

Natapos rin ang construction ng seawall sa barangay Dela Paz Pulot Aplaya, spillway sa Maruclap at ang construction ng Satellite Disaster Operation Center ( Dispatch Center for Water Asset) Phase 1 sa Poblacion 4 at Batangas City Command Center Phase II sa barangay Bolbok. Ang nasabing mga proyekto ay kabilang sa disaster preparedness program ng lungsod.

Bukod dito, may ipinatayo ring two-storey building na may 6–classrooms para sa SPED class ng Batangas National High School, two-storey building with 8-classrooms na elementary school at two-storey building with 6-classrooms na high school sa barangay Mahabang Dahilig. May 1,275.10 metro haba ng karsada ang naipakonkreto/aspalto ng pamahalaang lungsod, kabilang ang mga barangay road sa Poblacion 1 hanggang 24. Naisaayos din ang mga kalye sa barangay Banaba Center, Lourdes Subd., Bolbok, Conde Labac, Paharang East, Bucal at sa iba pang barangay.

Samantala, sa pakikipag ugnayan pa din ni Cong. Mariño sa Department of Public Works and Highways (DPWH), tuloy tuloy ang konstruksyon ng Startollway-Pinamucan Bypass Road (Phase 1 and 2), Balagtas Fly-over, Batangas City-San Pascual –Bauan Diversion Road.

Patuloy din ang construction at rehabilitation sa Batangas-Tabangao-Lobo road, Manila-Batangas Road, Batangas-Quezon Road, Batangas Port Diversion Road at ilan pang national road sa lungsod. Natapos din ang concreting at rehabilitation ng farm to market road sa barangay, Tulo, San Jose Sico, Talahib Pandayan , Paharang Silangan, Maapaz at Haligue Kanluran.

Ilan pa rin sa mga on-going projects ni Congressman ay ang construction ng Medical Healthcare facilities sa Batangas Medical Center (BATMC) para sa COVID-19 patients, pagtatayo ng Evacuation Center sa barangay San Isidro at construction ng National Bureau of Investigation (NBI) building. (PIO Batangas City)

• < Prev
• Next >