500 indibidwal nakinabang sa programang TUPAD ng DOLE

Details

Thursday, 03 June 2021 - 4:34:16 PM

May 500 beneficiaries ang tumanggap ng P 4,000 na pay-out sa ilalim ng Tulong Pangkabuhayan para sa mga Disadvantaged/ Displaced workers (TUPAD) program ng Department of Labor and Employment (DOLE) sa Batangas City, June 3.

Ito ay naisakatuparan sa pakikipag-ugnayan ng tanggapan ni Congressman Marvey Marino sa nasabing kagawaran. Ayon sa tala ng DOLE Region IV-A , ito ang ikalawang may pinakamalaking alokasyon ng budget sa lalawigan.

Hindi lahat ng distrito ay nagpapatupad nito kung kayat lubos ang pasasalamat ng mga beneficiaries sa inisyatibo ni Cong Marvey na makapagbigay ng emergency employment assistance lalot higit ngayong panahon ng pandemya. Isa ang gwardyang si Freddie Plata ng barangay Bucal sa mga lubhang naapektuhan ng nararanasang krisis sa kasalukuyan. “Maraming salamat Congressman, malaking tulong ito sa tulad kong nawalan ng trabaho at may anim na anak na itinataguyod”’ sabi ni Plata.

Ang mga beneficiaries ay binigyan ng TUPAD ID, shirts at sombrero gayundin ng face mask at face shield. Makukuha nila ang nasabing halaga sa sangay ng Palawan Pawnshop sa barangay Pallocan. Hangad ni Congressman Marino na makapag-abot ng tulong sa lahat ng Batanguenong nangangailangan kung kayat bukod sa TUPAD, maaari ding makahingi ng burial, medical at financial assistance.

Hindi kailangang may MAM card upang makapag-avail ng mga ito, kailangan lamang magtext sa kanilang hotline sa 0927-5975478 at 0961-0585050 o mag-email sa This email address is being protected from spambots. You need JavaScript enabled to view it. . Ang pay-out ay isinasagawa dalawang beses kada linggo sa cinema ng SM City Batangas. Nagpaabot ng pasasalamat ang tanggapan ni Congressman Marino sa assistance na ipinagkakaloob ng naturang mall.(PIO Batangas City)

• < Prev
• Next >