Malasakit Center sa lalawigan, pinasinayaan

Details

Thursday, 27 May 2021 - 4:33:25 PM

Pinangunahan ni Senator Christopher Lawrence "Bong" Go ang pagbubukas ng ika-114 na Malasakit Center sa bansa na matatagpuan sa Batangas Medical Center, May 27.

Si Sen. Go ang may akda ng Malasakit Center Act of 2019 na isang one -stop shop na naglalayong makapagbigay ng financial at medical assistance sa mga higit na nangangailangan. Sa pamamagitan ng nasabing center, magkakaroon ng "easy access" ang mga pasyente ng lalawigan sa tanggapan ng Philippine Charity Sweepstakes, Department of Health (DOH), Department of Social Welfare and Development (DSWD) at sa Philhealth.

Ang mga ahensyang nabanggit ang magttulong tulong upang mabayaran ang hospital bill habang ang balanse ay sasagutin ng Malasakit Center. Target nito ang zero balance sa mga indigent. Ang pondo nito ay mula sa Presidential Social Fund (PSF).

“Walang dahilan para hindi tanggapin ng mga ospital ang mga pasyenteng nangangailangan ng tulong medical na walang kakayahang pinansyal”, sabi ni Senator Go. Kailangan lamang dalhin ang billing mula sa ospital at medical abstract upang maka-avail nito.

Iniabot niya ang inisyal na pondong P5 milyong piso ng Malasakit Center kay BatMC Dir. Dr. Ramoncito Magnaye at nangakong magbibigay ng pondo buwan- buwan. Dumalo din sa nasabing okasyon sina Batangas 2nd District Representative Congressman Ranie Abu, Vice Governor Mark Leviste, Batangas 1st District Representative Eileen Ermita Buhain, Director IV ng Malasakit Program Office Angelina A. Del Mundo at si Presidential Assistant for the Visayas Sec. Michael Lloyd Dino.(PIO Batangas City)

• < Prev
• Next >