Mga ahensya ng gobyerno na nagsilbi sa mga Taal evacuees pinarangalan

  1.jpg 10.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg


Ginawaran ni Mayor Beverley Rose Dimacuha ng katibayan ng pagkilala ang mga tanggapan ng pamahalaang lungsod ng Batangas na nagpamalas ng angking dedikasyon, pagmamahal at katapatan sa tungkulin sa pagkalinga sa mga biktima ng pagputok ng bulkang Taal noong January 12.

Ito din ay bilang pagpupugay sa kanilang inilaang oras at panahon na higit na inaasahang pagtalima ng kani-kanilang propesyon na nagpatunay at nagsabuhay ng pagmamahal sa Diyos, sa tao, sa kalikasan at sa bansa na syang tunay na diwa ng Eto Batangueno Displinado, Magkatuwang Tayo Program ng pamahalaang lungsod.

Ang mga ito ay ang City Disaster Risk Reduction Management Office (CDRRMO), City Social Welfare and Development Office (CSWDO), General Services Department (GSD), City Health Office (CHO), Batangas City PNP, Association of Barangay Captains (ABC), Bureau of Fire Protection (BFP), Department of Education, Mayors Action Center/City Mayor’s Office at Philippine Red Cross (PRC).

Maraming biktima ang lumikas sa Batangas City ng pumutok ang bulkang Taal kung saan sila ay tumigil sa evacuation centers, paaralan habang ang iba naman ay nakitira sa mga kamag-anak at kakilala.