Estudyanteng nanalo sa international math at science competitions kinilala ng SP

  1.jpg 2.jpg

Ginawaran ng pagkilala ng Sangguniang Panglungsod sa session nito, February 24, ang mga mag-aaral ng St Therese of the Child Jesus Multiple Intelligence School – Batangas Campus dahil sa pagakakapanalo ng mga ito sa 2019 International Mathematics and Science Competitions.

Ayon sa resolusyon na akda ni Konsehal Aleth Lazarte, ang mga achievements ng mga estudyanteng ito ay karapatdapat kilalanin upang higit na ma inspire ang maraming estudyanteng Batangueño na mag excel sa kanilang pag-aaral.

Binigyan ng certificate of recognition sina: Blair Dominique Macaraig (grade 1), Bronze awardee at Maya Samantha Ayap (grade 2), Bronze awardee sa November 2019 Big Bay Bei China International Mathematical Olympiad na ginanap sa University of the Philippines-Diliman. Sila ay nagqualify sa finals na gaganapin sa Zhuhai, China sa March 2020.

Kabilang din dito si Johanna Angelique Faltado (grade1) na tumanggap ng Merit Award
sa nasabing kompetisyon. Siya ay mula sa Gardner School of Multiple Intelligence.
Ilan pa sa mga pinagwagian niya ay ang bronze award sa October 2019 Mathematics without Border Autumn Round sa Dela Salle Lipa at nagqualify sa final round sa Bulgaria sa June 2020; silver awardee din siya October 2019 Thailand International Mathematical Olympiad at Gold awardees sa November 2019 Hongkong International Science Award.

Tumanggap sina Maxene Ira Constantino (grade 4) ng Silver award at Ixen Constantino (grade 6) ng Merit award sa October 2019 Thailand International Mathematical Olympiad sa UP Diliman, kung saan ang finals ay gaganapin sa April 2020.

Sina Idania Angeline Faltado, (grade 7) Bronze awardee at Isabelle Angelica Faltado, (grade 9) Merit awardee, sa November 2019 Hongkong International Science Award sa UP Diliman ay makikipagtunggali sa final round sa Singapore sa June 2020.

Kasama din nilang nanalo si Jeilyn Angela Faltado (grade 5) ng Gardner School of Multiple Intelligence.