National Dental Health Month ipinagdiriwang ngayong Pebrero

  1.jpg 10.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg

Nagpupunta ngayon ang Dental Division ng City Health Office sa mga public elementary schools dala ang kanilang dental bus araw araw upang magbigay ng kanilang serbisyo kaugnay ng pagdiriwang ng National Dental Health Month ngayong Pebrero.

Humigit kumulang sa 500 elementary students ang binibigyan ng libreng pit-and- fissure sealant habang ang mga day care children naman ay binibigyan ng libreng fluoride. Binibigyan din ang mga bata ng lecture hinggil sa oral health care gayundin ng libreng toothbrush.

Nakatakda silang bumisita sa anim na barangay ng Isla Verde sa ika-28 at 29 ng Pebrero upang magkaloob ng libreng serbisyo hindi lamang sa mga bata gayundin sa mga buntis at matatanda.

Payo ni Dra Love Cabral, hepe ng Dental Division ng City Health Office, ibayong pag-iingat at pangangalaga ang dapat na gawin upang maging malusog ang mga ngipin.

Ang proper oral hygiene tulad ng palagiang pagsisipilyo, tatlong beses man lang sa isang araw, kasama na ang paggamit ng floss ay malaki ang maitutulong sa pananatiling malinis ng ngipin upang makaiwas sa mga sakit aniya.

Ilan sa mga sakit na maaaring idulot ng mahinang oral health ay ang sakit sa puso, dementia o pagkawala ng memory, respiratory infections, diabetes, cancer at iba pa.

Ang tema ng pagdiriwang ngayong taon ay “Tamang Edukasyon, Impormasyon at Serbisyo para sa Ngiting ToDOH tungo sa Kalusugang Pangkalahatan”. (PIO Batangas City)