High school students lumahok sa spoken poetry contest ng Batangas City Police

  1.jpg 2.jpg 3.jpg 4.jpg 5.jpg 6.jpg 7.jpg 8.jpg

Nagsagawa ang Batangas City PNP ng patimpalak sa Spoken Poetry na ang tema ay “KARAPATANG PAMBATA: Patuloy na Pahalagahan at Gampanan Tungo sa Magandang Kinabukasan” na siya ring tema ng pagdiriwang ng National Children’s Month, Nov. 28 sa Mabini Conference Room, Batangas City Police Station. Ito ay nilahukan ng 15 high school students mula sa public at private schools.

Itinanghal na kampeon si Ma. Sophia Velasquez ng Batangas City High School for the Arts kung saan ang titulo ng kanyang piece ay Sayo ang Mundo, Pag Bata Ka. Bukod sa pagtalakay sa mga karapatan ng bata, binigyang diin niya sa kanyang spoken poetry ang mga issues na kinakaharap ng mga kabataan ngayon kagaya ng child labor, child abuse at kapabayaan ng magulang. Nanalo ng 2nd place si Maeril Pauline Caya ng Batangas Christian School at 3rd si Nichole Samantha Ebreo ng Libjo National High School.

Iminungkahi naman ni Konsehal Karlos Buted na isa rin sa mga hurado na isali ang 15 mag-aaral sa kaniyang mga adbokasiya at mga susunod na leadership training para sa kabataan dahil sa nakita niya ang angking potensyal ng mga ito.

Ang iba pang mga hurado sa nasabing paligsahan ay sina Dr. Soccoro Comia (DepEd), Marie Lualhati (PIO), Jaimelee De Castro (Brigada News FM) at Police Executive Master Sergeant Nena Godoy Garcia.
(PIO Batangas City)