Mayor Dimacuha tumanggap ng award bilang outstanding local chief executive

Details

Thursday, 01 August 2019 - 11:47:00 AM

Ginawaran ng Certificate of Recognition ng National Police Commission si Mayor Beverley Rose Dimacuha bilang Outstanding Local Chief Executive sa CALABARZON region, July 31, 2019, sa pagtatapos ng 24th Police-Community Relations Month sa Camp BGen Vicente Lim, Laguna.

Ito ay dahil sa kanyang napakahusay, sipag at may dedikasyong pamumuno na nagbigay daan para maipatupad ang Community and Service-Oriented Policing (CSOP) System. Dahil din dito ay napapanatili ang magandang ugnayan at kooperasyon ng mga opisyal ng lungsod,
komunidad, kapulisan at iba pang law enforcement agencies.
Kinilala rin ng komisyon ang malaking suporta ni Mayor Dimacuha sa Batangas City Police Station na malaking bahagi ng magandang performance ng naturang istayon. Kabilang dito ay ang mahigit P13M support funds para sa maintenance at operating expenses ng istasyon para sa taong 2016-2018.

Naglaan ang Mayor ng pondo para sa mga communication equipment tulad ng base radio transceiver handheld radios, cellphones para sa mabilis na pakikipag-ugnayan sa komunidad partikular sa malalayong barangay sa lungsod.
Nagbigay ng financial support si Mayor Dimacuha para sa mga kinakailangang gamit gaya ng baril, bala at iba at para sa mga pagsasanay ng mga pulis.

Kamakailan lamang ay nagkaloob siya ng 10 mobile police cars upang higit na mapalakas ang police mobility at visibility.
Ayon kay Batangas City PNP Chief, PSupt Sancho Celedio “inspirasyon ng kapulisan ang mga suportang ito ng administrasyon ni Mayor Dimacuha para higit naming pag butihin ang paglilingkod sa lungsod. “

Patunay aniya nito ay ang mga awards na tinaggap ng Batangas City PNP kagaya ng Rank no. 1 in over-all Performance Evaluation Rating Regionwide for two consecutive quarters in 2018; Rank no 3- 2016 Best Police Station Nationwide; dalawang beses na ginawaran ng award bilang No.1 Station in Anti-Crime and Law Enforcement Operation Provincewide; at 2018 Best City Police Station in the Province of Batangas; at candidate para sa Regional search. (PIO Batangas City)

• < Prev
• Next >