58 aplikante hired-on-the-spot sa PESO job fair

Details

Tuesday, 30 July 2019 - 11:45:00 AM

Hired-on- the spot ang 58 mula sa mahigit 800 aplikante ng Trabaho para sa mga Batangueño na isinagawa ng Batangas City Public Employment Office (PESO), July 27, sa Batangas City Coliseum.

Ang mga ito ay makakapag-umpisa na sa kanilang trabaho sa anumang oras makumpleto ang kanilang mga requirements. Ilan din sa mga aplikante ay para sa final interview na.

Isa sa 32 local companies na pinilahan ng mga aplikante ay ang Japan Gas Company (JGC) Phils. Inc., na isang sub-contractor ng Shell. Ito ay may hiring para sa supervisory/managerial positions at skilled workers para sa kanilang project sites sa Batangas, Palawan, Misamis Oriental at Surigao. Bukod sa mga fresh graduates, nag-aplay din dito ang ilang dating overseas Filipino workers.

May pito namang international companies ang lumahok sa job fair.

May hiring din ang Bureau of Jail Management and Penology (BJMP) na nangangailangan ng mga jail officers na dapat ay may professional civil service eligibility.

Umantabay naman ang iba pang government agencies kagaya ng Philhealth, Philpost, at Social Security System sakaling kailanganin ng aplikante ang kanilang identification numbers or proof of membership.

Naroon din ang mga kinatawan ng Department of Labor and Employment (DOLE) at Pilipino Overseas Employment Administration (POEA) upang tiyaking lehitimo at maayos ang estado ng mga kompanyang nakilahok sa job fair.

Pinayuhan naman ni City PESO Manager Noel Silang ang mga aplikante na maging positibo at determinado na sila ay magkakatrabaho sa kanilang pag a apply sa job fair.

Taun taun ay anim o higit pang job fairs ang itinataguyod ng City PESO sa lungsod kung saan ito ang pang lima sa taong ito. Nakatakdang isagawa itong muli sa Setyembre.

• < Prev
• Next >