Mga aero clubs lumahok sa Grand Zumba Dance

Details

Wednesday, 17 July 2019 - 11:35:00 AM

BATANGAS CITY- Bandang 5:00 ng umaga, kahit umaambon, ay nagsama samang lumahok ang mga aerobic clubs sa Grand Zumba Dance sa Plaza Maibni 2019 kung saan ito ay pinanood ng mga city officials sa pangunguna nila Mayor Beverley Rose Dimacuha at Cong. Marvey Mariño.

Ang pagsasayaw ng zumba ay sinusuportahan ni Mayor Dimacuha bilang isang advocacy sa pagkakaroon ng healthy lifestyle.

Ang mga grupong lumahok dito ay ang Plaza Jammers, Indak Kababaihan, Kalipunan ng Lipi Pilina (KALIPI), Plaza Mabini Aero Club at Barako Fitness Group.

Lumahok din dito ang ilang city officials, Batangas City Police at Bureau of Jail Management and Penology sa rehiyon.

Sinabi ni Mayor Beverley Rose Dimacuha na laking tuwa niya dahil nikita niya ang pagkakaisa ng bawat grupo sa pag sayaw. “Kay gandang pagmasdan kung ang bawat kababaihan at kalalakihan sa lungsod ay nakikitang nagsasama-samang nasasayaw upang makahikayat pa sa iba na mag ehersisyo araw-araw dahil makakatulong ito upang mapanatili nila ang malusog na pangangatawan at pag iisip.”

Binigyan ng Mayor ng sertipiko ng pagkilala ang bawat grupo na lumahok sa okasyong ito. (/PIO Batangas City)

• < Prev
• Next >