Ibayong benepisyo para sa mga matatanda

Details

Tuesday, 09 July 2019 - 11:20:00 AM

Konstruksyon ng home for the aged at karagdagang benepisyo para sa mga matatanda ang ilan sa mga planong proyekto ng mga bagong halal na opisyal ng City Council for the Elderly.

Nanumpa ang mga bagong halal na opisyal ng council, July 9, sa harap ni Mayor Beverley Rose Dimacuha sa pangunguna ni dating Mayor Vilma Dimacuha na muling nahalal bilang pangulo sa kanyang ikalawang termino. Ang iba pang opisyal ay sina Vice-President Virginia Clemeno at mga Board of Directors na sina Cesar Ramos, Joy Prez, Avelino Collera, Pol Santoyo , Josie Dangal, Severina Coloma, Elena Ebora, Betty untalan, Ben Faral, Mawel Ong at Bert Burog.

Nanumpa rin kay Mayor Beverley ang mga Chapter Presidents.

Idinaos ang eleksyon ng council noong June 28 sa pamamagitan ng secret balloting.

Sa ilalim ng administrasyon ni Gng. Vilma, nagkaroon ng P1,000.00 honorarium sa bawat buwan ang mga chapter presidents ng senior citizens. Nagkaroon rin ng iba’t ibang fundraising activities kung saan ang mga nalikom na pondo ay iniipon para sa planong pagpapatayo ng home for the aged. Ilan sa mga fundraising activities ay Search for the Mutya ng Senior Citizens, Valentine’s Dinner, Dine and Dance at pagbebenta ng mga religious items.

Nagsasagawa din sila ng taunang Pabasa ng Pasyon, Visita Iglesia at mga study tours.

Binati naman ni Mayor Beverley Dimacuha ang mga inihalal na opisyal at tiniyak ang patuloy na suporta niya sa mga proyekto ng council. Ibinalita rin niya na maari ng makuha ng mga dating opisyal ang kanilang honorarium na simula Enero hanggang Hunyo 2019. (PIO Batangas Cityi)

• < Prev
• Next >