Nutrition Month ipinagdiwang ng mga day care children sa pamamagitan ng contests

Details

Thursday, 02 August 2018 - 3:26:45 PM

BATANGAS CITY- Ipinagdiwang ng City Social Welfare and Development Office ang Nutrition Month noong July 31 sa pamamagitan ng ibat-ibang patimpalak sa mga child development centers (CDC) sa ilalim ng temang “Ugaliing Magtanim, Sapat na Nutrisyon Aanihin”.

Napiling Best Materials Recovery Facility at Mini Nursery ang San Jose Sico CDC. Sa singing contest, 1st place si Cheska Mae Ortega ng Simlong CDC, 2nd place si Shanelle Gwen Beron ng Pagkilatan CDC at 3rd si Dyreen Jhoi Panaligan ng Balagtas CDC. Sa Draw and Tell, nanguna si Jerwin Jay De La Roca ng Pagkalitan CDC, pangalawa si Trish Leih Ann Ramos ng Libjo New San Vicente CDC, at pangatlo si Vien Nario ng Haliguw Kanluran CDC.

Napiling may Maganda at Makinis na Ngipin sina Janella Dwey Espiritu ng Wawa CDC at Matt Jerven Catapang ng Talahib Tibig CDC. Batang may Makinis na Kutis sina Steffy Kendra Antig ng Sta Clara CDC at Mart Austin Agtay ng Gulod CDC. Batang may Maganda at Mahabang Buhok si Raizel May Marasigan ng Talahib Tibig CDC at Batang Malusog at Matangkad si Aeron Jaeden Lumbera ng Libjo I CDC.

Sa Gymnastics, ang mga nanalo ay ang Calicanto CDC, FPIC CDC at Balete Relocation Site CDC. Sa Subli naman ay una ang Malitam CDC, pangalawa ang Banaba West CDC at pangatlo ang Pagkilatan CDC. May mga props ng gulay at prutas na ginamit sa Gymnastics at subli competition upang maipakita ang kahalagahan ng mga pagkaing ito sa nutrisyon at kalusugan ng mga bata.

Nagkaroon din ng parada ng mga gulay at prutas ang mga batang day care sa loob ng coliseum. LIZA PEREZ DE LOS REYES/PIO Batangas City

• < Prev
• Next >