SK sumailalim ng mandatory training

Details

Friday, 25 May 2018 - 2:21:59 PM

Sumailalim sa mandatory training ang may 822 Sangguniang Kabataan (SK) chairmen at councilors sa Batangas City noong May 23 at 25 sa Lord Immanuel Institute, Lobo Batangas bilang paghahanda sa pagganap nila ng kanilang mga tungkulin.

Ayon kay Department of Interior and Local Government (DILG) Regional Director Manuel Gotis, napakahalaga na makadalo ng training na ito ang mga elected SK officials alinsunod sa Republic Act no. 10742 o Sangguniang Kabataan Reform Act of 2015 . “Nakasaad sa batas na hindi makakapag assume ng kanilang posisyon ang mga elected SK na hindi umattend ng training na ito,” pag didiin ni Gotis. Sinabi rin ni Gotis na sa training na ito, matututunan ng mga participants ang lawak ng kanilang responsibilidad. “ito ay eye opener sa kanila, at ang lahat ng kanilang matutunan dito ay magiging guidance nila sa kanilang panunungkulan,” dagdag pa ni Gotis.

Tinalakay sa training ang Decentralization and Local Governance, Sangguniang kabataan History and Salient Features, Meetings and Resolutions, Planning and Budgeting, at Code of Conduct and Ethical Standard.

Pagkatapos nito ay may mga nakatakda pa ring enhancement training para sa mga SK upang higit na maiangat ang kanilang kaalaman at kakayahan bilang mga lider ng kabataan.

Ayon kay Gotis, inaasahan niya na ang mga nahalal na SK officials ay matino, mahusay at maaasahan. Aniya, dapat ay mahusay ang mga ito na mamahala ng pondo ng SK at alam tugunan ang pangangailangan ng mga kabataan.

Ang naturang training ay itinaguyod ng DILG, National Youth Commission , Local Government Academy, katuwang ang local government unit, Local Resource Institutes (academic institutions), liga ng mga barangay at Development Academy of the Philippines.( marie v. lualhat PIO Batangas City)

• < Prev
• Next >