City government employee nagsauli ng nakitang P50k sa may ari

  1.jpg

Isang empleyado ng Maintenance Operations Division ng City Engineer's Office ang nakakita ng isang pouch na naglalaman ng P50,000 sa isang fast food chain sa isang kilalang mall dito sa Batangas City at agad naman niya itong naisauli sa may ari. Ito ay nangyari noong November 25. Siya ay si Antonina Catoy, edad 61 at isang job order employee. Ayon sa kanya, katatapos lang niyang kumain at paalis na sana ng makita niya ang pouch. Agad niyang pina page ito sa mall upang maibalik sa may-ari.na agad namang nagpunta sa nasabing fast food chain at pagkatapos ng ilang katanungan ay na confirm na sila nga ang may-ari ng nasabing pouch.

Umiiyak pa ang babae kasama ang kanyang asawang American ng makausap ni Catoy. Ayon sa ginang, ang nilalamang pera ng pouch ay ipapapasko nila sa kanyang mga pamangkin kayat laking pasasalamat niya kay Catoy.

Sinabi naman ni Asst. City Engr. Lucy Castillo na siyang hepe ni Cato na siya ay natutuwa at may mga honest pang tao na kagaya ni Catoy na ipinagmamalaki niyang empleyado ng pamahalaang lungsod. (PIO Batangas City)