Day Care Workers Week ipinagdiwang

Details

Tuesday, 07 June 2016 - 12:00:00 AM

Views: 3310

Mahalaga ang papel na ginagampanan ng mga day care workers sa early child development at education ng mga bata kaya tinutukan sa Day Care Workers Week noong June 7-9 ang pagpapalakas ng kanilang kapasidad sa mahusay na paghubog ng ating mga pre-schoolers.

Ayon kay Diosdada Atienza ng City Social Welfare and Development Office, kabilang sa mga aktibidad sa nasabing pagdiriwang ang pagdaraos ng orientation seminar para sa mga daycare teachers, pagkakaroon ng supplemental feeding, study tour sa UP Los Baños at exhibit.

Tinalakay sa nasabing seminar ang karapatan ng mga bata na magkaroon ng maayos at malusog na pamumuhay, magkaroon ng proteksyon at partisipasyon sa komunidad, mga pang aabusong tinatamo ng mga bata kagaya ng pisikal, emosyonal, at sekswal at kung papaano ito malalabanan.

“Ang mga nabanggit na mga gawain ay binalangkas ng aming tanggapan upang maipadama sa mga daycare workers ang kanilang mahalagang kontribusyon sa paghubog ng pamayanang kanilang kinabibilangan. Isa rin itong paraan upang magkaroon sila ng karagdagang kaalaman sa kanilang hanapbuhay,” dagdag pa ni Atienza.

Ayon naman kay Jasmin De Castro, presidente ng Daycare Workers Associaiton of Batangas City, naka display sa kanilang exhibit na sinalihan ng 12 clusters ng day care centers ang pitong domain teaching materials tulad ng sign motor, gross motor, self- help, expressive, receptive, socio- emotional at cognitive na bahagi ng development ng isang bata.

Sa kasalukuyan, may 110 daycre centers sa 87 barangays sa Batangas City kung saan ilan sa mga barangay na may malaking populasyon ay may higit sa isang centers. (/PIO Batangas City)

• < Prev
• Next >