EGGPLANT PRODUCTION SEMINAR

Details

Created on Friday, 20 February 2015 - 4:04:00 PM

Friday, 20 February 2015 - 4:04:00 PM

Nilahukan ng may 120 eggplant growers sa lungsod ng Batangas ang libreng Refresher Course on Eggplant Production na isinagawa ng Office of the City Veterinary & Agricultural Services o OCVAS noong ika-11 at 12 ng Pebrero.

Layunin nito na mabigyan ng sapat na kaalaman ang mga magtatalong sa mga paraan at mga dapat na isaalang alang sa pagtatanim ng talong, kung paano ito mapapangalagaan at mga paraan kung paano magiging maganda ang kanilang ani.

Itinuro din sa kanila ang mga solusyon kung paano maiiwasan at mapupuksa ang mga peste at mga insekto na sumisira sa kanilang tanim na talong.

Tuwing panahon ng tag-ulan ang pagtatanim ng talong at maaaring anihin pagkalipas ng dalawang buwan.

Lubos ang pasasalamat ng mga farmer sa proyektong ito ni Mayor Eduardo B. Dimacuha at sa mga libreng buto ng talong na palagiang ipinagkakaloob sa kanila.

Ang naturang mga participants ay pawang mga myembro ng Eggplant Growers Association. Sa kasalukuyan, ito ay may humigit kumulang sa 200 myembro.

Nagsilbing resource speaker sa naturang seminar si Albert Serquiña, Agricultural Technologist ng OCVAS. (Ronna Endaya Contreras)